تنطّحتك الهجوس وبشّرتني بك
من بعد غيبه.. وفزّ القلب لقبالك
وقامت أحاسيسي الولها تهلّي بك
ومن لهفتي بك نسيت أنشد عن أحوالك
من يوم شفتك وشفت الحظ يدني بك
فرحت بك فرحةٍ ماهي على بالك
الله ياجّيتك ياهي مثل طيبك
لافاح عطره وخبّرني عن وصالك
والله ياهاللحن مشتاق أغنّي بك
وأبعثر ابك الحزن لين انّي أصحالك
يا مرحبابك تراحيبٍ تماريبك
لا قلتها كدّرت نفوس عذّالك
ادخل على الروح وأشواقي معازيبك
كرامتك حبّها اقلط على فالك
ما انت بغريبٍ عشان أقوم وأمشيبك
وأعرّفك بالمشاعر وأذكر أفعالك
تعرفك روحي وخافي القلب يدريبك
وحواسّي الخمس تعرف كامل اخصالك
أبطيت واجد وخاف الحال تعذيبك
وظنّيتك تبيعني وأنا اتحرّالك
ومع تالي الصبر زارتني مناديبك
وفهقت ليل الفراق ولونه الحالك
