نجديةٍ تزهى الشرف والوصايف
الله واهبها مع الزين تشريف
تاطى على طهرٍ برفقة ولايف
عصرية والشمس لليل تهريف
يطمع بها الطامع وممساه عايف
جداه من بكره كثير التحاسيف
كل السعوديات.. عالم وشايف
من واقع ما فيه ياهاجسي زيف
بهيبة وأمان اللي على الأمن نايف
اللي وهب محياه للعدل.. والسيف
نايف.. ونايف من سمو بنايف
ابن الزعيم اللي ركابه مراديف
على حصان النصر رد الحسايف
واسس كيان الحكم في وقتٍ مخيف
قبايلٍ عاشت صراع الطوايف
من حكمته صاروا اخوان ومواليف
ونايف على نهجه.. الى طاف طايف
وسعى بامان.. أوحل المملكة ضيف
دعا لأمير ما يشيل الخفايف
جسام الأمور لراجح العقل تصريف
نايف شموخ العاليات النوايف
شيخ الحرار بنايفات الشفانيف
من الحرم فيه السطر والصلايف
من ندرته ما ذكر مثله ولا شيف
شعرٍ مجرد والمعاني طرايف
هدو.. لستر مكوشحات السراجيف