يا الله يا معبود يا خير معبود
يا عالم بالبينه والسريره
يا موحدٍ فالكون من كان موحود
تجبر قلوبنا من قدرها كسيره
كم خاطرٍ ضايق وكم قلب ملهود
وكم عين تذرف بالدموع الغزيره
على مقر الطيب والمدح والجود
راع العلوم الطايلات العسيره
من خلقنه ما خلط البيض بالسود
له راية بيضاء مع أهل الجزيره
زبن الضعيف اللي من الضيم مضهود
مورد جبال أهل الحبال القصيره
راع الشحم والهيل والبن والعود
يوم الردي دايم فعوله حقيره
له عادةٍ يكسبها النعم والزود
عزٍ لربعه كلها والعشيره
اللي يعرفونه على أفعاله شهود
يشهد له الاجواد في كل ديره
يمد جزل المد ما هوب محدود
عساه بالفردوس مكرم قصيره
ما كل من يرحل عن الناس مفقود
ولا كل رجالٍ يعوض بغيره
ومرزوق بابٍ طاح ما هو بمسدود
صعبٍ تعوضنا الليالي نظيره
لو هي بالايدي كان يفدونه جنود
لكن هذاء أجله وهذاء مصيره
نرضى بحكم اللي له أعباده سجود
الواحد اللي عالمٍ بالسريره
