لاصد من هو تحبه قل مقداره
الا انت حبك تعلى يا نظر عيني
في غيبتك دمع عيني سالت انهاره
وما تبكي العين الا للمحبيني
الهجر يا صاحبي ذوقتنا امراره
وما اظن بنساك انا ياكامل الزيني
لا تسمع اللي حكى بي تاخذ شواره
ما قصده الا يفرق بينك وبيني
درب السهر عقبكم ياطول مشواره
الله يعينك على الغربال ياعيني
عقبك حبيبك لذيذ النوم مازاره
والقلب شفق على اللي قاطع فيني
يابو محمد تعرف الحب واسراره
رفيقك اليوم تكفى لا تخليني
ان ماحصل شوفته جيبوا لي اخباره
يرتاح قلبي ولو حنا بعيديني
وان كان خلي نوى الهجران واختاره
لا تجبرونه على ذكره يسليني
