يا غايبٍ في غيبتك منت لاقي
غير التعب وحكاية السهر والنوح
خلك على ممشاك صامل وباقي
وانا اوعدك عن ما تسويه مسموح
لو كان ماني واثق النفس هاقي
اني من اللي الانوى يبعد الشوح
ما قلت لك ان كان تنوي فراقي
دربك خضر يا سيدي وين ما تروح
والاّ انت في دربك تمر الطراقي
والذيب ما يهرول على غير مصلوح
بدري عليك ان كان تبغى احراقي
يا شاطر العب غيرها واعلن البوح
لو كان قلبي زرع والوصل ساقي
ما بيه دامه به مذله على الروح
فرقا تعز ولا مذلة تلاقي
اعيش حر ولو بقى القلب مجروح
على دروب الطيب تعّبت ساقي
والطيب باب للمخاليق مفتوح
هذا انا في قمة المجد راقي
يكفي علي اني نهار ابن ممدوح
