يا ناس انا شاهدت ما يشرح الذات
وهذا انطباعي عن مشاهد عيوني
اليوم انا شفت امس كن امس ما فات
عايشت الامس اليوم انا صدقوني
الماضي وما فيه من زين عادات
ومن العمارة والحرف والفنوني
جميع ماله بالاصالة علاقات
لقيت له رمز معبر ولوني
نماذج معها نعيش امس لحظات
عزيز وقت قد مضى ما يهوني
ذكرى الجدود ومجدهم والمعاناة
وش لون كانوا بالقسا يصبروني
اروي لنا يا جنادرية روايات
لنا البسي ثوب امس..بنت امس كوني
قولي لنا بعض القصص والحكايات
يا مرجع اللي ودهم يسألوني
قالت تراث جدودكم حي ما مات
لكم حفظته بين جفني ونوني
