نشرنا في عدد الأسبوع الماضي لغزاً كتبه الشاعر مشاري بن خالد الدعجاني من محافظة شقراء وكان نصه:
أنشدك عن بنت لها جملة عيال ما فيهم اللي فوق سن الثلاثين بهم أربعة ما جربوا حرب وقتال فيهم كريمٍ تحتفل به ملايين |
وكالعادة جاءت ردود قراء تراث الجزيرة من عشاق الألغاز عشرات الردود وبعد الفرز والتمحيص اكتملت شروط النشر في الردود التالية:
***
لغزك قريته يا مشاري وبالحال عرفت حله دون شك وتخمين ذيك السنه وشهورها ما به جدال هذا جوابي يالرجال الفهيمين |
سعود جازي الحربي الرياض
***
هي السنه وشهورها عبر الأجيال من ماضي الأيام وسنين وسنين والأشهر الحرم أعتقد ما به جدال وشهر رمضان ويحتفل به مسلمين |
جلعود بن لافي الشمري حائل
***
راح رمضان وراح يالقرم شوال ومن (السنه) ما باقيٍ غير شهرين يهل عام وربنا فيه الامال يحقق اللي ماتحقق من سنين |
موسم بن سفر القثامي الطائف
***
الطيبه يدفع بها غالي المال ولا الرديه للرجال الرديين واللغز واضح والسنه قول حلال ما عاد فيها يامشاري تخامين |
موسى مصلح المظيبري عنيزة
***
يا مرحباً ياشاعر طيب الفال لغزك عرفته بيّنٍ للفهيمين هذي السنة وشهورها ما به جدال وشهر رمضان يحتفل به ملايين |
معجب مطلق الشكره الأفلاج
***
يا مرحبا حييت يا طيب الفال إعداد من حج الحرم والملبين وترى السنه حله بلاريب وجدال وبلغ سلامي للرجال العزيزين |
هندي بن نابت الغياثات الأفلاج
***
بالصفحة اللي حققت كل الآمال يا مرحبا مافاح ورد البساتين واللغز حله واضح مابه جدال ذي «السنه» ياهل العقول الفهيمين |
عبدالرحمن حذيفة الطواله الزلفي
***
يا مشاري لغزكم ما به اشكال واضح ولا يحتاج له زود تبيين هي السنة والأشهر اللي على البال وايامه اللي ماتعدى ثلاثين |
راشد عبدالله العفنان حائل
***
حيوا مدارات الجزيرة ومن قال لغزٍ بها في يوم سبعة وعشرين حله سنه واتباعها دايم عيال وعيالها يتبعهم عيال ثانين |
حمدان عبدالله النصار حائل
***
اللغز لامن صار مكشوف يارجال كلٍ يحله ما هو بس الفهيمين ولغز الدعجاني منكشف ما به اجدال سنة هجرية تنتهي بعد شهرين |
صالح عبدالله الزرير التميمي الرس
***
ما للردى في وارث الطيب مدخال واللي سمع ما هو مثل شايف العين شفت إبمشاري مسندي طيِّب الفال عكس السنه زينه تزايد على الشين |
فهد بن عقيل الطويان بريدة
***
صفحة تراث اللي غدت تشرح البال بابداعها اللي يسعد القلب والعين ويا اللي كتبت اللغز للغز حلال ذيك «السنه» راحت بها الزين والشين |
عطاالله بن سليمان العطاالله الزلفي
***
يا اللي نشرت اللغز للغز حلاّل من واحدٍ يفهم بكل القوانين وهو السنة ياطيب الحال والفال مذكورةٍ يالأجودي قد لها سنين |
إبراهيم بن مسمار القحطاني الرياض
***
بلغ مشاري في عدد كل الابطال ثمانية مع أربعة بين قوسين دورة سنه والناس في بحر الأهوال بين الطوايف مثل لعب الفريقين |
حمود نافع الشمري الخبر
***
هذي السنه وعيالها شهورٍ طوال ما منهن اللي دون تسعة وعشرين واربع حُرم ما وسطهن دم يسال وشهر «رمضان» اللي به الناس فرحين |
محمد بن سعد بن غشام آل جناح القويعية
***
أبدي بذكر الرب في كل الأحوال يامنشيٍ بداية الخلق من طين ساعة قريت اللغز والحل في البال ترى السنة حله ولا حن مخطين |
مسفر عبدالله الغييثات الأفلاج
***
أهلا هلا بك عد ماركب خيال يامرسل لغز الجزيرة ببيتين تلقى جوابه في «السنه» مابه جدال والحل ياصلكم قبل يوم الاثنين |
ناصر حمد الخويتم المزاحمية
***
يا مرحبا بك عد ما تمطر خيال يا لشاعر اللي جبت لغزك من اسنين حله ترى واضح ودايم على البال اسنيننا هجرة ولا فيه حلين |
فهد السبت الزلفي
***
حطيت لغزك يامشاري على البال هذي السنة وعيالها عشر واثنين اربع شهور الحُرم ما فيهن قتال وشهر رمضان اللي به الناس فرحين |
عبيد بن عبدالعزيز الفيصل الرياض
***
حي الجواب وحي من قال الأمثال ياعلكم دايم على العز حيين لكن تراني من بنيتك أبا اهتال هجرية تعرف تراها من سنين |
سعد بن مويزر البدراني الرس
***
في صفحة تراث الجزيرة والابطال قريت لغزٍ وارد يالفهيمين اللغز واضح والسنة ما بها اجدال عندي على قولي شهود وبراهين |
شبيب بن هذال السبيعي الخرمة
***
يا اللي كتبت اللغز ياطيب الفال ابشر بحل اللغز ماهوب تخمين ترى (السنة) من ضمنها شهر شوال وحسب الشريعة فالسنة فيه عيدين |
ضويان الحسيني الحمادي عرجاء
***
من الوله جيتك على بدع الأمثال لغزك كما وشم على وجنة الزين هي (السنة) أربع حُرم ما بها قتال وشهر كريم صومه أوصى به الدين |
إبراهيم محمد الشبرمي الدمام
***
ياللي كتبت اللغز ياطيب الفال لغزك عرفنا له جواب وبراهين هي السنه وعيالها شهور تنقال والله يثبّت خيرها بالموازين |
حمود القناص حائل
***
لغزك يابن خالد قريناه بالحال واضح ويلزمنا نقول البراهين أم العيال هي السنة ما بها جدال وأيام شهوره ماتعدى الثلاثين |
جميعان المعدي محافظة الشنان
ياللي كتبت اللغز جاوبك حلال ذي السنة من خلقة آدم وها لحين فيها الشهور الحرم ياطيب الفال وفيها رمضان يربطون الشياطين |
عبدالرحمن صالح النفجان الفوارة
لو سارت النية على درب الآمال ما كان تاه الحلم بين العناوين ولو لاحت الجزلة على روس الاقذال تبقى السنة هي رمزها والنياشين |
فهد الجروان الزلفي
يكم كلت ذالبنت من عدة اجيال وعيالها همٍّ على راعي الدين لغزك يابوخالد عذاب على الحال هذي السنة تدرج على العسر واللين |
محمد عبدالله القحطاني مركز جرير
يا شاعر الالغاز ياطيب الفال اللغز حله من عيالٍ وبنتين عيال السنه كريمهم قبل شوال شهر تصفد به كبار الشياطين |
فهد فالح الناجم حفر الباطن
الحل واضح ما يبي شك وجدال هذي سنه وعيالها عشر واثنين ثلاثة شهورٍ تجي عقب شوال والرابع الي به تغيب الشياطين |
سعد عقاب مصقال السهلي الحفنة
هذي السنة تمشي لها عدة أعيال عشرة مع اثنين حدود الثلاثين فيها اربعة محرمة ما بها اقتال وفيه رمضان راجح بالموازين |
شارع سعد الدوسري وادي الدواسر
اللغز وافي يفتح النفس والبال عبر التراث اللي بها الناس راضين ترى (السنة) حله ولا عندي اشكال واعيالها الأشهر عساكم سعيدين |
علي رشيد الرشيد رياض الخبراء
دوّى الرعد وامطر من المزن بخيال والورق غنت فوق خضر البساتين والله محص أيامها مظهر اهلال قلت (السنة وشهورها) يا فهيمين |
فالح غازي الفالح الحربي رياض الخبراء
سلام مني عدما خيل خيال واعداد ما صلوا جميع المصلين هذا السنة واعيالها مثل ماقال الحرم ورمضان سجن الشياطين |
هادي مريط اليامي الرياض
يا للي كتبت اللغز ياطيب الفال عبر الجزيرة جاوبوك الفهيمين هذي سنة معروفة عبر الاجيال وعيد الضحية فرحة للمسلمين |
سعود فراج السهلي الدرعية
حي التراث وحي من جاب الامثال وحنا على ما تنشرونه صريحين هذي سنة هجري بلاشك وجدال ودايم شهرها ما يتعدى الثلاثين |
محمد نماء الحربي حفر الباطن
يادارنا دار النشامى والابطال دار الرجال اللي حموا راية الدين اللي لهم في قمة المجد منزال ما هي (سنة) سنين وسنين وسنين |
صويلح بن عبيسان الشيباني الرياض
البنت أبواها (قرن) يا طيب الفال (سنة) على نهايته بس شهرين عمر الفتى يا طيب الذكر لو طال لابد ما يدفن ولو عمّر سنين إبراهيم بن عفات بن قاعد الرياض |
ليا ذكرت الوقت يطري على البال (محمد الدرة) (وبنت أم شهرين) مرت سنين طوال والحرب لازال خمسين عام لجل عودة فلسطين |
عايد بن نوار العنزي الرياض
بعد قريت اللغز فكرت بالحال ورسلتها عبر الجزيرة ابيتين اللغز حله واضح مابه اشكال هي السنة وشهورها يا مسلمين |
خالد بن سالم الهوته الرياض
يا صاحب الألغاز بدّاع الأمثال اللغز واضح ما يبي له براهين ترى (السنة) هو حلها ما به جدال يحفظ بها تاريخ ناس قديمين |
حمود بن طراد الحنتوشي الرياض
ان كان تنشد يا مشاري بالامثال ترى السنة فيها يمرن عيدين واربع أشهور حرم يا طيّب الفال وشهر رمضان تهان فيه الشياطين |
سعيدمسعد الحربي عقلة الصقور
يا الله يا علام يا عالم الحال ترفق بخلقك عند وضع الموازين واللغز جله عام ما يبغي جدال سنة تمر ومعظم الناس لاهين |
غنام مسعود القريني نعام
قريت لغز واضح كنه هلال فيه السنة وشهورها يالفطينين وفكرت في حلّه ونظمت الامثال ومشاركتنا ضمن ناس كثيرين |
سبيتان صنيتان الرشيدي بريدة
اللغز في حله تفاكير وأهوال وحله جلي واضح للفهيمين فيه السنة وشهورها ما بها جدال وأجمل تحياتي لناس عزيزين |
حبيب عوض الحنتمي بريدة
عن السنة ينشد مشاري بالامثال وعن من لها وأيامهن بالثلاثين بهن فضيل يتبعه شهر شوال وبهن اربعة حرم محرمهن الدين |
عبدالله القويعي النبهانية
