يا إله الكون يرضيك السجود
وحدك المعبود يامحي العظام
احفظ بلاد الفهد دار السعود
يا إله الكون خلاق الأنام
يابوفيصل ياعسى عمرك يزود
ياعريب الجد من خال وعمام
الفهد شبل البطل وابن الفهود
شال حمل المملكة عشرين عام
خادم البيتين والعالم شهود
يشهد اللي زار زمزم والمقام
يازعيم العرب ياشبل الأسود
بالشجاعة والسياسة والنظام
للمواطن والوطن دايم يذود
متعب رجله وعينه ما تنام
محتمٍ كل الجزيرة والحدود
قوته بالله وباليمنى الحسام
كفك اللي للصوادر والورد
ماتقل من العطاء مثل الغمام
منقذ اللي قيدوهم بالقيود
كل واحد ينتظر أمر العدام
دون شعبه بالسلاح وبالنقود
من لجا بحماه والله ما يضام
يازعيم العرب من جودك نجود
كم زعيم قلدك أكبر وسام
ما عليه من السمايم والبرود
كون الدوله على أحسن مايرام
زغردن يالبيض ياطوال الجعود
الفهد رجل العداله والسلام
من بحر جده ليا صحراء النفود
ومن جبل فيفي ليا شرقي سنام
نرفع البيضاء على راس العمود
ونرسل الأفراح بجناح الحمام
فالطريق اليوم نفر شلك ورود
يالكريم ابن الكريم ابن الكرام
يوم جاره ما تهنا بالرقود
خانه الغدار فالشهر الحرام
اعتزي فهد العروبه بالجدود
وشب نار الحرب ماهي بالكلام
ارتكى للحرب واشعل فالزنود
بالرجال وبالسلاح وبالسهام
واستعاد كويتنا بجهد وصمود
وانتهى التحرير في شهر الصيام
جيشنا مثل الصواقع والرعود
فزعة المنكوب في يوم الزحام
ماعلينا من العدا وقول الحسود
كم عدو قال في جنح الظلام
نفتخر مادام حنا لك جنود
فالقلوب يزود قدرك باحترام
لو جميع الناس خانوا في العهود
مانخون العهد زدناه التزام
الحرار اللي لبو فيصل اعضود
هم حماة الدين قاموا بالمهام
وياالله المعبود ياخير معبود
تحفظ الفهد المفدى بالتمام
وفي ختام القول للقايد نعود
للفهد ازكى تحية في الختام
