ألا ليت الخيال اللي يزوع بارق غيومه
يساقي لازما خشم الينوفي سيل وداقه
وأنا أقول الهوى يا لعنبوه ولعن أبو سلومه
ورى قلبي يشوقه مع نسيم الغرب ما شاقه
ليا ميل نواوير على الزملوق ملمومه
وانا اجمع من نواوير الغلا واهدي لها باقه
ألا وان عانق الشعر الهوى يا بنت مظلومه
تبا تخفق ورى خفقة خفوقك كل خفاقه
وأنا ابسهر وبحكي عن خفايا الليل وعلومه
وقلبٍ ما حكا إلا عن سنين الحزن واشوقه
بكا وقطع خيوط الود ولكن منهو يلومه
إذا كنتي هوى قلب يود اللي تبي فراقه
تعذب وانجرح وانتي عذاب الأمس واليومه
وانا يا بنت احبك لهفة فالقلب حراقه
محبة عاشق حول عليه الشوق بسهومه
ولو رمح الغلا ما ياخذ إلا ارواح عشاقه
سواد العين عذبني وظلمى الليل ونجومه
جروحي للهوى عذري وخد لاح براقه
دفنت الجرح يا قلبي ومات الحب وحلومه
وانا ادر إن الحلوم اللي تجر العمر سراقه
وألا يا روحي ابتلي عسى ديرتك مرحومه
ودمعه ما عذرها القلب ترى ما هي بمشتاقه
وترى ما يكفي المجروح ولو خففتي همومه
ولو جيتي وفتحت القلب لقيتي جرحي بأعماقه
