هلا بأهل الخليج اللي لهم قدرة وعز وشان
هلا وألف هلا فيهم وفيهم زانت الديره
على أرض الرياض اللي تباهي بشوفة الاخوان
وطن واهل يجمعنا خليجٍ مالنا غيره
يجمعنا على خير ومحبه غالي الاثمان
على قلوبٍ نظيفة شدها في الحب تفكيره
لكم أقصى المكان وياهلا فيكم من الوجدان
يفوح الطيب من جيتم وفينا فاح تأثيره
عشر دورات وأربع يضوي بتاريخها الأزمان
قمرها ساطع نوره ونسري فوق تنويره
سجلاً حافلا تدري بتاريخه لنا العربان
من اسنين طويلة نفتخر به طيب السيره
كتبنا اسمه على صدر الزمان بريشة التحنان
من الوان المحبه بيننا من وجد تصويره
هلاوألف هلا بأهل الخليج ومرحبا عنوان
على ارض الرياض انتم لفيتم أهل في الديره
