وش تبغي الأرض غير من المطر ديمه
تروي ثراها وتكسي جسمها العاري
ووش يبغي الوبل حين يعانق الغيمه
غير الضما اللي يموت بسيله الجاري
ووش يبغي العشب غير يكون له قيمه
عند البدو يوم صار الزهر متباري
ووش تبغي الروح يوم تبدّي الشيمة
غير الستر والشرف في موقفٍ طاري
والحب وش نشوته يوم انتحت ريمه
ما غير حرفٍ بقى في جملة أشعاري
يمدّه الشوق بالأيام ترنيمه
ذكرى عليها تدور وتسهر أفكاري
تعطش عليها الشجون وتارد محيمه
وتشرب صفا لين تعشب بالروى داري
أتذكّره... والطعون اكثار ومضيمه
وأنساه.. ووجيه عشقي تنخي أسراري
ما بين صبح الدروب وبين تعتيمه
هو يقضي العمر وإلاّ تقضي أسفاري
