ارفعي يا بلادي راية العز فوق

الله اللي معزك من قديم وجديد

عزك اللي خلق بالكون كل مخلوق

عل عزك يدوم وعل نصرك يزيد

يا بلادي جميلك فوق شرحي يفوق

ما يعبر عن اللي تبذلين القصيد

ساق صقر الجزيرة دونك والروح سوق

لين وحد كيانك في زمانه وحيد

يوم فتح الرياض لشمس عزك شروق

من هاك اليوم عيد اليا هذا اليوم عيد

الك ماضي جميل وحسن حظ وفوق

الله أكبر شعارك والوفاء لك رصيد

وحاضرك يا جميله عن جمالك يلوق

عهد ابوفيصل المغوار ضد الضديد

سورك اللي حماك وللمعادي يعوق

ليث غابه على العدوان باسه شديد

بدأ العيد السعيد وجيت اعايد قرم الاولادي

أباقف قدم رجل يرفع الهامه بميقافه

تشرفني مقابلته وشوفه غايه امرادي

أمير وكل بلدان القصيم تعيش بشرافه

عسى عيده سعيد وجعل كل ايامه اعيادي

عسى الله يحفظه ويسلمه ويحقق اهدافه

مقر الطيب طيبه وارثه من ساس الاجدادي

هذاك المعدن اللي بالعرب ما توجد اوصافه

تسلسلهم من اولهم اعزاز نفوس واسيادي

خلفهم وارثٍ مجده وتمجيده من اسلافه

سلام يا شيخ رفيع مقامه

ينصى جنابه بالأمور المهمه

شامخ شموخ اجبال ظلم وتهامه

هداج عده دايم الدوم جمه

شيخ على فعله دلائل كلامه

لا قال قول معرّب الجد تمه

واضح مثل بدرٍ كمل في تمامه

قصدي محمد لو تقولون سمه

الفرم رام الطيب والمدح رامه

معاشق الجزله.. حريب المذمه

الله انه يقلع الشعر ويقلل حلاه

عقب طاحت فيه ناسٍ ضعاف انفوسها

والله انه بعد هذا رخص عندي غلاه

الربابه كل واحد تناول قوسها

ما يخش الجامعة طالبٍ معه الكفاه

لو بغى يدرس بها ما يعرف ادروسها

كل جرحٍ يالعسيلي نبي نلقى دواه

كود جرح الشعر والنفس من حاسوسها

يا للي اليا صادفتني تنشد تقول تروح وين

اخذ الجواب ان كان عندك شك يوم اتسالنا

حنا نسج ندور علوم الرجال الطيبين

ما هي طبايعنا جلوسٍ بالبيوت الحالنا

ان ما نصونا اهل الوفاء نعني لهم والله يعين

نعني وحنا يا وسيع المعرفة يعنالنا

أنا ضميري صريح ولا اقدر اجامل

هذا سبايب شقاي وقلة اصحابي

غير الصراحه.. صراحه ما قدر اعامل

لا من بعيدٍ علي ولا اقرب اقرابي

كل ما زاد جور الوقت يزتاد قوي

عزة النفس ترفعني ما هو حب ذاتي

اعتمادي على الله.. والله اللي يسوي

والله اني لغيره ما خضعت بحياتي

من يوم سافرتم عن الدار يا شوق

وأنا عيوني بزرق الدمع غرقا

سبة فراقك ساقني للشقاء سوق

عليك أجاوب نايحت كل ورقا

حبك غدالي عوق لاصابك العوق

بيّح خفاي ويسرق الحال سرقا

غاب عني صاحبي وارمست عنه العلام

الهقاوي فيه زينه ولادري وش هقا

اظلمت دنياي من غيبته بدر التمام

ما لقيته عكس من قال من دور لقا

طال صبري وانتهى والهواوي مايلام

خص حبٍ مثل حبي على وضح النقا

ودعتك الله ياللي نص قلبي معه

الله يفكك من الاشرار واهل الحسد

يا من نهار الوداع ازريت اودعه

ودعتك الواحد الفرد الاحد الصمد

لكن بأوصيك في علم مهمٍ واسمعه

وصاة والد يريد المنفعه للولد

الراس عن كل هزلان العلوم ارفعه

وعلى الولى الكريم المستعان اعتمد

العلم نورٍ يدلك ولعه.. ولعه

قيل اطلب العلم من حد المهد للحد

انهل من العلم علم المعرفة واجمعه

من جد ياجد ومن يزرع زروعه حصد

خدمة وطنك ومليكك كلها منفعه

في خدمة الدين نمشي تحت أوامر فهد

حنا نحب الوضوح ونكره الاقنعه

نلتف حول القياده مثل روح وجسد

املوكنا فخرنا عز الوطن وسنعه

ان قلت سلطان وان قلنا ولي العهد

آل السعود الفهود المعتدي تردعه

عز البلد والذراء والخير لأهل البلد