شاهدت بنتٍ ركّبوها على بنت

ما تقضي اللازم الى ما اركبوها

الراكبه تمشي إذا به تمعنت

والثانيه عن مشيها حيروها

لاهان ناصر يالحميدي ولاهنت

أهل العقول جهودكم قدروها

عزالله إنك وافي ما تماهنت

ودارت رحاها كل ما دوروها

حيّ التراث وحيْ ناصر مع البنت

وقتٍ مضى بديارنا قدّروها

يا بوحمد قل له رحى البنت لاهنت

تحت اثبتت والراكبه دوَّروها

يا شاعر الألغاز لاهنت لاهنت

يا محلل الألغاز لو صعبوها

قريت لغزك ثم لحله تمكنت

هي الرحاء على الحبوب أدرجوها

يا شاعر الألغاز مرحب ولاهنت

أظن شعار التراث عرفوها

هاذي«الرحا» أخذ جوابٍ به أيقنت

عقب المطاحن بالمتحاف رموها

يا غايبٍ عنا زمانين وين أنت

أتعبت بالألغاز ناسٍ قروها

حضرت أنا فكري وشعري ودونت

أبيات في حل الرحى وانشروها

لاهنت ياللي محكم اللغز لاهنت

بالصفحة اللي بالوفا حرروها

واللغز يا هونه بحله تمكنت

طبقة رحى من الجبال اصنعوها

يالكاتب الصفحات مشكور واحسنت

اللغز واضح والحلول اكتبوها

هذا الرحاء يا صاحب اللغز لاهنت

وهذي الاجابه واضحه واعلنوها

ذكرتني عسرات الأيام لاهنت

عسرة لاشك إجدودنا عبروها

موروثهم ينبيك عن حال هالبنت

الرحى واصغارنا يجهلوها

لاهانت تراث الجزيرة ولاهنت

ياللي بيوتك بالمجالس رووها

وحنا نقول اليوم يا ناصر احسنت

شفت«الرحى» يوم ان ربعي نسوها

ياناصر اسمع حل الألغاز لاهنت

الطيبه بنتك بعد وانت ابوها

حليت لغزك واثقٍ ما تخمنت

رحى وعصاها والدروب اعرفوها

مشكور يا ستاذي على اللغز واحسنت

يااللي ألغازك زينةٍ كلبوها

وترى حصاتين الرحا فيهن امعنت

وحدة تدور وحدةٍ ثبتوها

أنا على زين المعاني تمعنت

حياك ربي والبنيه لقوها

دار الرحى والبنت دارت على بنت

هذا زمانٍ سابقٍ ما نسوها

اللغز حله واضح ليا تفطنت

ياطيب فعل البنت لاساعدوها

عصر«الرحا» ولى ولكنك أحسنت

بنت تغير عصرها وابدلوها

اهلا هلابك عد ما تبكي البنت

واعداد مهر البنت واللي عطوها

يا شاعر الالغاز لاهنت لاهنت

هذا الرحى والراكبه سيروها

حله رحاء يا مرسل اللغز لاهنت

يا ما عليها من حبوب طحنوها

ما تسدير إلاّ دارته بنت

واليوم كثير العباد تركوها

لا هنت يا ناصر على اللغز لاهنت

علومكم بين العرب نيروها

شفت الرحى والناس شافو وشفت انت

وحدة من الثنتين ماحركوها

نشفق على الجزله ونشفق عليك أنت

ربعي معي من قلبهم رددوها

واصل وحلّق بالفضا مثل ما كنت

وإلا الرحى عشاقها ما نسوها

يا شاعر الالغاز قلت وتفننت

يا راعي الجزلات يوم انشروها

والحل واضح يوم انا به تمعنت

ذيك الرحى فوق أختها سيروها

يا الله يا الوالي على الخلق بيَّنت

وارسلت للخلق الرسالة قروها

ويا مرحباً يا صاحب اللغز لاهنت

حلًَّه رحى في هاالسنين افقدوها

يا اللى كتبت اللغز مشكور لاهنت

مشكور يا ناصر وربع قروها

والحل واضح يوم أناله تمكنت

هي الرحاء مع كل بدوٍ لقوها

اللغز يا ناصر عرفناه لاهنت

حله رحا والاولين اصنعوها

هذا جوابي يوم فكرت خمنت

وان كان اجابتنا خطا فاتركوها

يا مشاهد الثنتين وشبك على البنت

فات الزمان اللي هله ركبوها

دنوالها أكياس عيش وتمعنت

وسط الرحا حطوه ثم حركوها

لغزك يحيرني وانا به تحيرت

وهذا جوابي والحلول اقبلوها

اسير بالموتر ليا من توقفت

واللي معه يرتاح وغيره كلوها

عز الله أنك يالمسيميري أحسنت

بأبيات شعرٍ بالجزيرة قروها

واللغز حله يافتى الجود لاهنت

ثبت معناه الرحا وافهموها

أحسنت يا ناصر على اللغز أحسنت

ذكرتنا اعصورٍ بعضنا نسوها

واللغز حليته بعد ما تبينت

ذيك«الرحا» تطحن اليا حركوها

ناصر أنا فيما كتبته تمعنت

وفي من علي صدر أختها وردوها

ومن الرحا وعلىّ بذلك تمكنت

في حل من حارت ومن سيّروها

أهلاً وسهلاً يالمسيميري أحسنت

البنت وصفك كثير اعرفوها

عصر«الرحى» نسي يجي لا تفطّنت

عقب المكاين ربعنا جنَّبوها

للشاعر الفاهم أنا أقول لاهنت

هذا جوابي بالتراث انشروها

اللغز يوم إني تمعنته اعلنت

إنه«رحا» والفاهمين اعرفوها

يا مرحبا يا شاعر الرس لاهنت

من وادي سبيع التحايا أقبلوها

ولغزك قريته فالجزيرة وله صنت

ترى الرحاء فوق اختها ركبوها

يا ناصر المنعور لاهنت لاهنت

ولاهان ربع للتراث إعمروها

ويرسل جواب اللغز من بعد ماأيقنت

إن الرحا حله وغيري عرفوها

عبر الجزيرة صغت الألغاز وأحسنت

في صفحة كل الجميع رغبوها

بعد قريت اللغز فكرت وايقنت

أن«الرحى» بالمطحنه غيروها

جاك الجواب ان كان تنشد عن البنت

اللي على راس اختها ركدوها

هذي«رحى» يالقرم لاهنت لاهنت

في عصرنا الحاضر الجميع تركوها

ياللي على راس الطويلة تبينت

في صفحة عشاقها قدروها

رجعت للماضي وقلت وتمكنت

ترا«الرحى» جاء غيرها وتركوها

يا للي كتبت اللغز للناس وأعلنت

ترى الرحاه المستديره لقوها

له دور بالماضي وتاريخ وبرنت

وله في تراث الشعب صفحه قروها