ودي بقولة.. شي في خاطري.. مير

ما كل ما يطري على الخاطر.. يقال

لا تلومني لا اخفيت عنك الاسارير

أخاف.. تفهمني غلط.. يا هوى البال

خابرك لا.. عصبت.. بالعجه تطير

وتقطع حبال الوصل وحبال الآمال

وانا ما بيها تختلف وجهة السير

ويفرح علينا كل شامت وعذال

أبيك دايم في.. سعة خاطر.. وخير

ما تشوف غير الطيب.. ياطيب الفال

ما بيه يجي في طبعك الزين تغيير

ولابيه يجي صدرك من الضيق مثقال

أنت تدري إني فيك مفتون واسير

وانا أدري إنك .. لقطة.. وزينك هبال

أموت ولا اشوف بالجو تعكير

أموت ولا أزعلك يازين الاقبال

ودي أفضفض زود.. بس المقادير

وهاك الظروف اللي من.. يمين وشمال

حاداتني أخلي.. السر فالبير

ولا بدك بتلقاه.. لو الزمن طال