من عقب شوفك يالغضى خاطري عمس

وشفت العذاب بدنيتي شيء ملموس

دامي اعيش اليوم في واقع الامس

ومات الحنان اللي بالأعماق مغروس

يانور عيني بعدكم غابت الشمس

والحظ أشوفه تالي الوقت منحوس

دون السعادة والهنا حايلاً خمس

هم وسهر وأشواق وأحزان ودورس

حتى الفرح عندي بدا منطمس طمس

لا صوت لا صورة ولاشي محسوس

طيف على سمعي يجينى كما الهمس

يقول لا تفرح ترى الوقت معكوس

حتى انعدم في جسمي الشوف واللمس

وصارت حياتي كنها حلم كابوس