استوحشت دارك وبعدك بضيقه
وأنا يضيق الكون ولا احتواني
انساك!! والله ما نسيتك دقيقه
الا في صلاتي يوم ربي دعاني
مشتاق لك بالحيل هذي الحقيقة
كيف انكر الاشواق ودمعي بكاني
يا فرحة الاحلام قد جف ريقه
شخصا يحبك حيل بعدك يعاني
كل الوجود يصير فاقد بريقه
صارت شهر ودهور عمر الثواني
اشعلت لي بالجوف نار وحريقه
غربتني.. اوقات عني بمكاني
عود بعادك صرت ما اقدر اطيقه
هجر السفن تبكيه حتى المواني
دربي طويل وغاب عنه رفيقه
حتى الطريق السهل بعدك عصاني
صرت التمس طاريك بأية طريقه
وانشد عن الاخبار قاصي وداني
في موج بحر الشوق وحدي غريقه
اصارع الامواج وشطك نساني
فك القيود ارجوك خلني طليقه
امنيتي القاك هل هي اماني؟؟
لو تجتمع عندي وحولي الخليقة
تظل فوق الناس اول وثاني
احساسنا الشعراء جدا رقيقة
لا تتعب الاحساس يكفي زماني
