اذكريني يوم تنوين الرحيل
واقفٍ مالي مع الواقع خيار
واقفٍ دمعي على خدّي هميل
والحشى موقود به جمرٍ ونار
ما تهنّت عيني بطعم المقيل
وما عرفت الليل من وجه النهار
اذكريني مالي دليل
لا شعور ولا خيار ولا قرار
شايلٍ في داخلي همٍ ثقيل
حب أمضي حيل من حبّ الدّيار
لا تقولين السبب شرحه طويل
قولي اللي بخاطرك لو باختصار
ياتكونين الذّرى وانا الدخيل
ياتكونين الفجيعة والدمار
آه يا جرح الحشى صبرٍ جميل
والله اللي يستعان ويستخار
ذا جزاي اليوم يا خلّي الخليل
صفعةٍ تقدح على خدّي شرار
ياهل المعروف والرأي الفضيل
كيف يقتل مسلم بعزّ النهار
كيف تقتلني وانا منها القتيل
وكيف تسقيني على الرّيق المرار
كأنها من جد للفرقا تميل
قولوا ان الضرب في اللي مات عار
