بنت انا ما أحد بدنياي دلعني

من بديت برحلة العمر مشواري

لا تغرك ضحكة اشفاي مشبعني

بالعنا وقتي من انعومة اظفاري

وآه لو تدرين عن آه وش تعني

في حياتي كان مليتي اخباري

من ليال في عناها تلوعني

والفرح يبطي ولا يمر له طاري

واذكر ان الحلم للحمل يدفعني

والاماني ما لها حد بافكاري

واذكر اني طفل والبرد يلسعني

والشتاء قاسي ونصف الجسد عاري

واذكر اني طفل والهم يتبعني

ومرة يميني ومرة على يساري

ولا طلبت من اقرب الناس ينفعني

ولا ترجيته ولا قل مقداري

والعواصف لوعت ما تهز عني

وان قساوقتي فأنا للقسا ضاري

والبحر لو هزت موجه وصار عني

ما نشدته يابحر وين معباري

لي على امواجه دروب تساجعني

وارفع شراع العزيمة على الصاري