لولا الحرام اهوم انا خمة الكيس

واملا السبيل وقلت عدوا زنادي

نكوي عروق القلب عن الحواسيس

بمعطش شربه على الريق بادي

انا مهموم وزود التتن همي

وانا قبله ماني خلي بلاهم

شراب بول ابليس ماهو مسمي

كم واحد حرم حرامه ولاتم

طس السبيل من اصفر اللون طسه

الشاوري يجلي عن القلب عله

من كيس قرم ضاري ما يدسه

تلقاه مجدوع على جال دله

لا تشرب التتن يا المملوح

يخرب ثناياك ياالغالي

ياشارب الدخان شاربك لاطال

اياك وايا واحد جاز دونه

من يشرب الدخان مثل ابن هذال

شيخ يصره في مثاني ردونه

لمحلا مزة سبيل العراقي

اصفر يجيك بلوذة التتن مفروك

ياشمعة الصبيان عمر لنا البوز

وطسه من التتن الغويري وناسه

يا محلا الفنجال والعظم ولعان

ومعطش يغدي خوى الراس عني

الزقاره شربها يشفي الغليله

برهم المكنون لجروح جوايح

والشخاطه جابها ناقض جديله

ولعت بالشاوري زين الروايح

من هنوف ياملا ماهي بخيله

والجماله مثل زراع الفلايح

التتن قل وصار شوفه شفاقه

ولو اطلبه بين الدياوين مشفوق

هنيت نفس ما تداني ذواقه

ولا صانفت عند الشواريب بالذوق

كان انت مفرغ مابكيسك ادقاقه

ولا بردنك من حتاويت وعروق

انهج لابو متعب تنحر اقناقه

تلقا مضيفه هيضه العصر بالسوق

يعطيك لو يشري سبيله بناقه

وعمال كيسه للشواريب مطروق