ألا يانزف بجروحٍ دفينة

تراها صارت جروحي عطايب

وألا ياروح بالحسرة رهينة

عسى ياروح مانتي للذهايب

إلى مني عرفت الدرب وينه

وسقت خطاي عن درب النوايب

ارد ابحسرتي يم الغبينة

واعود السالفة ذيك الطلايب

أشوف إن الوفاء شحت يمينة

وصار الصد من طبع الحبايب

واشوف إن الصبر ملت سنينة

وعاش الحلم بالوجدان شايب

ألا ياحب في روحٍ حزينة

تولم للذبول وللهبايب

على الله يا عسى قلبي تعينه

على اللي هج لي باب المصايب