حكاية المجلس لهم عندي عتاب
ما يدركون إن الشتيمه حراما
وإن العمل للعبد مكتوب بكتاب
معروض يوم الخلق حشر وقياما
وش هي حياة العبد لي صار كذاب
يغتاب ذاك وذاك والجور ياما
ما يشغله إلا الحكي لتفه أسباب
يرتاح لي من سمع خبث الكلاما
حاله غريبة تايهٍ حيل مرتاب
كثر المشاكل والرفاقه خصاما
تشره عليه الناس بالقول لي عاب
ماله مكانه في بيوت النشاما
ياكبر ظلمه والخطا يومه اغتاب
يشهد عليه الكاتبين الكراما
أبسألك عذرك إلى صرت بتراب
للخالق الجبار محي العظاما؟
إرجع لربٍ من يناديه ماخاب
فرصة حياتك لا تعيش بظلاما
لابد في يومٍ ولو شاربك شاب
ترد دينك والخطايا لزاما
ياحظ من أخلص نواياه بحساب
يحفظ لسانه من الزلل والملاما
يارب ترحم من تجنى ومن تاب
يا الله يالمعبود حسن الختاما
واختم كلامي في صلاتي لمن ثاب
له دعوة التوحيد طيب المقاما
