شف قلبي اللي ما تعدا مرابيك
كنه ظلامٍ منتظر طلت سهيل
وشف عشقي اللي منتثر في محانيك
كنه نهارٍ يبس عروقه الليل
وشف صبري اللي منكسر لك يناجيك
كنه عجوزٍ طايحه ترجي الحيل
يا صاحبي وش به بقى غير طاريك..
وغير الدموع اللي على خدي تسيل
حفنة شقا معها عناقوت مغليك
صبحي مساي محمل أكتوفى الويل
وعدك على جال الوفا مات وش فيك
تترك وعدك يغرق آماله السيل
جيتك وشايل خافق الذل ناصيك
أبغا تحط بدلة قهوتي الهيل
وأبغى أسألك ليه الرجا صار يبكيك
وليه الليالي من قسا أيامك اتكيل
وأبغى اعترفلك وأعترفلك ولا أخفيك
إني بدونك ظلمةً عافها سهيل..
