يشحون العباد وينعم الخالق على المخلوق
لو احبال الرجا في نظرته مهترية وادقاق
هلابك ياسنا شمس الصباح اللي بدت بشروق
بعد ليل بلا قمرا ولا نجمه ولا براق
تعال انت اول اللازم وباقي دنيتي ملحوق
تعال انت الحسن جمله وقلبي جملة العشاق
تعال اختار واخذ الكنز والمفتاح والصندوق
تعال اخذ العمر كله على بعضه بلا دقاق
تعال اسق المشاعر من مزن وصلك وبل عروق
دخيلك لا يصير الحب تعقيد وتعب وارهاق
ولو طول الفراق ايسلي العاشق عن المعشوق
طراة الوصل في طلة حبيب عقب طول فراق
يقول الشوق لا تضراه برفوق انتظر برفوق
تراه ايسفه العقل الحليم ويلهب الخفاق
واقول اثرك على خبري من اول ما هناك فروق
احد يبطي من عيونك وكحلتها ولا يشتاق
