انشدك عن رجال له فعل مشهود

يفعل كما يفعل قوى السلاحي

ما قاومه منهو بذل كل مجهود

ويسلم صريعه ما يجي به جراحي

النوم له وقت ولدهوب محدود

يجهز علينا بالمساء والصباحي

والليل فيه الناس سهار ورقود

إلا اسير الهم تلقاه صاحي

نحمد الله ربنا الخالق المعبود

منثي مزون وبرقن فوقنا لاحي

والحل واضح ما يبي كثير جهود

النوم نعمة من ربنا يابن شلاحي

اللي طموحه بالعطا ماله حدود

لابد ما يوم ينال النجاحي

ما ينثني لو لوح «النوم» بوعود

يبذل.. ويجني من ثمار الكفاحي

عيدكم مبارك ياهل الطيب والجود

ولاحبابنا الغالين عز وسماحي

النوم الى جاء فالحذر يسلم العود

وخل المسير بموترك بالصباحي

اهل الوفا ولصرف ولميز ولجود

كسبو وسام المرجلة ولو شاحي

واللي تمنى الجود والكف مظهود

طير يرفرف ونكسر له جناحي

والنوم يا زهران ما هوب مردود

الا ان ترد اللي بها البرق لاحي

النوم ما يردعه مدفع وبارود

ما ظنتي تردعه بأقوى سلاحي

النوم خلا عيون ابن آدم رقود

قاوم وحدك ترى نور الصباحي

اللغز يا زهران له راس وعضود

وافي وكامل من جميع النواحي

النوم سلطاناً على الورع والعود

ولى ينام آمن الهموم استراحي

سلام مني عد ماهية النود

وعداد برقاً شب نور ولاحي

زهران حل اللغز واضح وموجود

تنام طول الليل حتى الصباحي

يا مرحبا عداد ما يخضر العود

وعداد ماهبة هبوب الرياحي

والنوم راحة للجسم ياهل الجود

ياشين حظ اللي سهر للصباحي

يالله يا خلاق يا خير معبود

تدلنا درب الهدى والفلاحي

نويت أشارك مع هل العرف والجود

«والنوم» حل اللغز والراس صاحي

أهدني تحية مع سلامي لها زود

لاهل التراث اللي كما الطيب فاحي

اللغز وافي ما تعرض لمنقود

واللي غشاه النوم بالحظ راحي

أهلا هلاً بك يا فتى الطيب والجود

أبدعت في لغزك ابكل النواحي

النوم حل اللغز والحل ماكود

كم واحد من سبة النوم راحي