عشرين عام والوطن ينعم بعز
في عهد ليثٍ دام قدره وعزه
عهد به الشعب السعودي تميز
عهد العطا عهد الرخا والمعزه
فهد لنا خطط وكون وأنجز
وعشنا عطاه ولذة العمر فزه
عهدٍ على عهدٍ قديم معنز
خيره تواصل حزة بعد حزه
حنا علمنا بقمة المجد مرتز
وتسلم يمين اللي على المجد رزه
في عهد أبو فيصل ذرى كل ملتز
عون الضعيف ومن تنصاه عزه
للعدل ميزان وللحق ميّز
وللشر سيفٍ من جذوره يجزه
خادم بيوت الله عمّر وعزّز
كن الحجيج بوسط مكة تنزه
كل ما شكا مسلم على الأرض واهتز
يهتز له قلب المليك بمعزه
لا ثارت الهيجاء للأحداث يبرز
برأي حكيم وسطوة مستفزه
هو الحكيم اللي على الكود يحرز
وعوق الخصيم اللي بليسه يوزه
شامخ مثل ما يشمخ الطور ما اهتز
هوج العواصف والمحن ما تهزه
له الولاء والشعب بالدين يعتز
وهو والد الشعب الحنون المنزه
من راس أبو تركي سليل معنز
سيف الوطن بنحور الأعداء نكزه
مواقفه ترهب خصومه وتعجز
ناس تبي مثله وعجزت تخزه
الله يديمه به فخر راية العز
والله يعزه فوق عزه معزه
اشراق وجهه بالضماير مبروز
صبح تباها نجد ببزوغ حزه
عشرين عامٍ وغيث ديمه مركز
هتان براقٍ رعوده ترزه
يسوق من وبل الثريا ويختز
حضر وبدو تشرب قراح يدزه
عشرين عن ميتين عامٍ اتميز
حكم الفهد عهد الرخا والمعزه
