وشهو له أنتي تنشديني عن الحال..

وأنتي عن الحال السقيمه تعرفين

الهم ذاك اللي تركتيه ما زال..

يربا ويكبر في حشا الجوف للحين

بين الشقا والياس صاحبك رحال...

ما غير أدور راحة القلب يا زين

بعد الهنا وبعد الفرح وبعد لامال

صرت الحزين وشوفتي تبكي العين

كني صحاري كلها قيظ وارمال

ترجي المطر لكن تركها من اسنين

عله يسوي الحال من بعد ما مال

وعله يرد الدم لعروق مسكين

من يوم رحتي ما رحلتي عن البال

فكري تشتت وأصبح البال بالين

ودامك نشدتي يالحبيبه عن الحال

حالي سقيم وظني انك تعرفين