يا سعد من ضيقت البال ضاق ابي الفضا
ومن هموم كل ما قفت تجيني مقبله
كني اللي واطي بالقدم جمر الغضا
لا تماثل للشفا الجرح سابه واهمله
كل ما مشي درب يشتب قدامي لضا
واقتنع من تالي الدرب لا شفت اوله
واتراجع خلف بالغصب والا بالرضا
واتحمل جور الأيام والظلم اقبله
مومنٍ باللي خلقني ورسله والقضا
ومومنٍ بالقدر وآيات حقٍ منزله
والبنادم للخطايا تراه معرضا
لو مهوب الها تجيله ولو ما هي بله
والحضيض اللي بمرضات خلاقه حضا
كل همه طاعة الله ثم طاعة هله
والتكبر والجهل شرك من عصر مضا
محرم أبوجهل الاسلام ياكود اجهله
والعمر عدت مراحل وخيره ما قضا
أول العمر أجزله وآخر العمر أرذله
