هذي قصيده عن الإرهاب وأشكاله

واشكال الأرهاب لا مذهب ولا ملّه

واجب علينا جميع نقصّر إحباله

ما دام مقرون بالمشهود وأدله

أرهاب مقرون بالشيطان وعياله

لا هوب منا ولا له عندنا حلّه

لا بد ما نقبضه ملبوس باعماله

عين العداله تباري له وتفطن له

ولا بد ما نفرده في جرمه لحاله

وليا ثبت نقتله بالشرع ونذلّه

في ساحة العدل سيف العدل يبرى له

باسم اللّه أكبر على الشيطان باسم اللّه

السجن والسيف من حظه ومن فاله

هذا جزاءً له ومن نفسه تسول له

مشكور مشكور يا مير تصدى له

يا نايف النايفات أنت أمننا كله

نايف وزير السلام السلم يسعى له

وليا زعل بالحسومي يبري العله

هذي بلاد السلام كتاب ورساله

ما غيرتنا طبايع عالم مضلّه

كم مسلمٍ من بلاد الظلم يلجى له

وليا وصل للبلد نايف كفيلٍ له