لجله قضى عمري.. وطال الزماني

درب الشقى والحزن لجله مشيته

ياما من الضيقات والحزن جاني

ياما احتملت الهم يومي رجيته

شفت العذاب وهم وقتي وطاني

من يوم صادفته.. وشفته.. وجيته

أدري ولو طال الزمن ما نساني

ويدري ولو طال الزمن ما نسيته

بس اختلفنا فالدروب وعصاني

وعييت أذل النفس غصب وعصيته

أخطى عجزت أصبر حداني حداني

أقفيت بالذكرى وجرحه وطيته

أقفيت عنه ودمعٍ عينه كواني

وأقول وش هو فاد دمع بكيته

كل العذاب وحزن وقتي نصاني

ودرب الأمل عقبه بعمري محيته

اللّه لا يسقي لذاك المكاني

فيه أنهدام حبٍ سنينٍ بنيته