يا الله في نوٍ صدوق خيالة

يمطر على الأوطان يوم بثر يوم

يمطر مطر رحمه جنوب وشماله

وشرق البلاد وغربه ايعمه اعموم

كل يسولف بالربيع وجماله

ريح النفل عنبر طبيعي ويشموم

وكل يجي ويروح مرتاح باله

أهل الغنم وهل الابل جو بعلوم

سولف ارجال وقصيد ابمجاله

مجالس يشفق لها كل شغموم

هيلٍ وعود أزرق وجلست شكاله

أحدٍ مسير واحد للربع معزوم

ومعزب الضيفان سمح قباله

والبخل بين الناس مبغض ومذموم

ترى البخيت اللي يخدمه حلاله

كم واحدٍ من ماله محروم