سلبني واختفى من دنيتي في دربه المجهول

والى يومك وانا في نشدتي والسلبه السلبه

يقولون اوصفه بالشعر واقصد فيه عرض وطول

لعل انعرف شاعرنا من اللي سالب قلبه

واقول الشعر ما يوفي واقل الوصف عنه يقول

لو ان الحسن شاعر قام يقصد ويتغزل به

لو ابحر نظرته واسرح جبينه واسري المجدول

لو اظما والبرد بين الجمر ماذاب وابحل به

لو ارسم وردتين فرقتهن سلة المصقول

لو اطرب نغمة اوتار الكلام اللي تدلل به

مقامه مطلبه كايد على كل ابيض مجمول

وقوامه كل ما ذعذع صبا نجد ايتمايل به

سهم رمشه تنصا خافقي من قوسه المكحول

على خافق صديق تصدقه ما ينتفاول به

ذبح قلبي ومثل به بلا رحمه وهو مقتول

ولو ما يذكر ان جدي ذبح جده ومثّل به

اقول وحالتي جرح عطيب وحيرة وذهول

تركد يا قدم واحذر دروب لك بها غلبه

واعاتب كثر زلاته واقول ارفق على المحمول

علامك ما تزل الا وتحتي صخرة صلبه

انا وش حيلتي والحال غير المرجي المأمول

غلا ما يندرا وينه وروح منه منغلبه

والى قلتو طلبناك اوصفه ونجيك به باقول

عليكم طلته توفي لكم وصفه بلا طلبه