حذراك يا قلبي ترى الحب يقواك
لا لا يهزك وصفها أو حلاها
أبنصحك من عادة البنت تنساك
سارع غداك ولا تحطك عشاها
واحذر زعلها لزعلت سمها جاك
تلعب على الحبلين وربي عماها
يا قلب حبك في غنى النفس ممشاك
خلك بحالك وابتعد عن سماها
وحذراك تخلص في هوى البنت تجفاك
اثقل عليها ولا تبين غلاها
بعض البنات بطيبهن يرون أرضاك
والفرق يقسم زينها من رداها
والربع يسون نصفهن لا عدمناك
والباقي الله عالم.. في خفاها
وأحذر عيون البنت لا تكسر أرجاك
اكسر نظرها لوتعدن خطاها
فيهن سياسة حب والقصد تاطاك
تكسب اثم والذنب مركب معاها
بعض الشوارب بالرجولة نحداك
عايش عزيز ولا المذلة مشاها
أم المذلة حرمتن تسيق أخطاك
صارت هي الرجال وتمشي قفاها
يا شينها يا بعض الأشناب تقداك
دام الشوارب للمظاهر نخاها
