لإسطبل الأزرق حقق الفوز فردان
مبروك للكأس الذي ترفعونه
وقت اللزز وسط الملز ثار بركان
ابوه «عز الخيل» ما ياصلونه
انا اشهد انه بالسبق حر وحصان
في داخل المضمار ما يلحقونه
فردان لامن قلت فردان فردان
عند السبق يامير جنت جنونه
جاب الذهب يومه نزل وسط ميدان
كأس الوفاء بالثالثة تملكونه
كأس الوفاء كأس الفخر كأس شقران
بالطيب شقران الوفاء يذكرونه
شيخ الكرم شيخ الفخر شيخ الاحسان
يمناه للمعسر سخية حنونه
ولامن غدا بالمعركة عج دخان
شقران ما والله ابد ينطحونه
عساه للرحمه وينعم بالاجنان
ويشرب من الحوض الذي يشربونه
شقران ياقف له قصيدي والاوزان
تقصر قصايدنا وهي دوم دونه
وكأس لولي العهد «يرموك» به بان
انتاج وانتم للسبق تنتجونه
والكأس الآخر حققه غال الاثمان
«المنجز» انتاجك ولاترخصونه
كأسين من عضد الفهد يا لهن شان
كأسين من جزل العطا تاخذونه
هذاك ابو متعب وهو طير حوران
ولي عهد المملكة تعرفونه
ومبروك يامير الذهب والفرح زان
انتاج، مستورد، وفاء، تجمعونه
سلطان هو فرز الوغى هو بليهان
يارد حياض الموت ما ياردونه
نسل الكرم خواله اكرام شجعان
طلق الحجاج وضحكته في عيونه
ولد كبير السن والد ليتمان
وكم واحد مديون وفي اديونه
عون الصديق امعانده دوم غلطان
معتق رقبة اللي بغوا يقتلونه
سلطان هو شيخ العطا مثل هتان
هذاك ابو نايف كريمة مزونه
انا اشهد انه لاقسا الوقت مزبان
وانا اشهد انه سعد من يزبنونه
هذي عوايدكم على طول الازمان
اول والاول دوم ماتتركونه
جيتك اهني ياسلايل كحيلان
كاسين بعد الكاس تستاهلونه
