بالله لاتنشد عن احوال مغليك
خل المعنى يهتني في وصالك
ماهوب زهدٍ غير ما ودي اشقيك
واحملك حملٍ يفوق احتمالك
ما ودي اشغل هاجسك في لياليك
باللي تضيع ازوالهم في ظلالك
ناسٍ حرام تعبّرابهم طواريك
والله ماهم كفو لاشغال بالك
ان كان ما ساقوا من الشر موذيك
مامن وراهم خير لالي ولالك
اسفه بعيد القلب ماهوب يعنيك
ياعل يخلا منه جالي وجالك
انت المحب ومن محبتك مابيك
تشقى لو آرد مذهبات المهالك
اربعة امورٍ رغبت خافقي فيك
الاول: اني مغرمٍ في جمالك
والثاني: اني ضايعٍ في حكاويك
ما بين معسول معناك ودلالك
والثالث: إني مقديٍ يوم اصافيك
لاغبت عن عيني وصلني خيالك
والرابع: اني كلما اوحيت طاريك
اسمع سواليف الثنا عن كمالك
يا صاحبي هونك على قلب مغليك
خل المعنى يهتني في وصالك
