المملكة بالوفاء والخير معموره
عهد الفهد ساد تشهد كل الاوطاني
عشرين عام تعيش بعز منصوره
مجد وحضارة عطا التطوير ميداني
العلم عم وتشعشع واعتلاء نوره
واديارنا بالتقدم مالها ثاني
الحمدلله بلدنا الشرع دستوره
الحكم سنه تجي من بعد قرآني
اللي يزور المشاعر شاهد الصوره
يشوف الانجاز والتسهيل الانساني
عهد السعد والنماء بالأمن مذكوره
عقدين مرت سريعه عبر الازماني
الفضل لله يجي ثم الفهد دوره
والدور الاخر شمل مجموعة اركاني
الله يجير الفهد والناس مسروره
ودّ وتعاضد كفاء الله شر شيطاني
اللي فتح صفحة التاريخ وابحوره
يلقى لابو فيصل الصولات بحساني
في راية العز والرايات منشوره
سيف صقيل على الوقفات برهاني
عسى الولي ينصر الاسلام وصقوره
ويديم ملك الفهد ويسود الايماني
عسى ولي العهد يمناه مشهوره
ويسلم أمير الصخا والبذل سلطاني
واعضوده آمين تبقى اسناد مذخوره
في نصرة الدين والتوحيد عنواني
