قلت شعري وانتثر عند اللزوم
يوم أبوفيصل حكم عشرين عام
يفخر بفهد المعالي كل قوم
بالشهامة والكرم زاد احترام
أكتب أشعاري وتناسيت الهموم
وانشرح صدري بذكرك بالكلام
قمت أفكر وراحت أفكاري تحوم
وراح فكري يذكر أبطالٍ عظام
عبدالعزيز اللي هزم كل الخصوم
وأشعل أنوار القرى بعد الظلام
وارتمى للعلم في شتى العلوم
ما رضى للجهل في أرضه مقام
وجاك أبوفيصل وللواجب يقوم
لأجل تبقى مملكتنا في سلام
والتطور زاد في أعلى الرسوم
وزاد عز المجد في حب النظام
جعل عز الفهد لأوطانه يدوم
ويحفظه ربي «دعينا باهتمام»
أشهد أن الشعر في مدحه يروم
وان نظمنا الشعر في غيره نلام
حاكماً بالدين وما نحاه يوم
ما رضى في غير شرع الله احتكام
في محبة مملكتنا من يلوم
جعل قلب اللي يعاديكم حطام
والله أني في محبتها ضروم
موطن البيتين من شعب وكرام
ذاك أبوفيصل مع أصحابه قروم
ذاك أبومتعب تعداه الملام
ينفق بيمناه ولليسرى كتوم
ساعد المحتاج وأطفال يتام
ذاك أبوفيصل مع أوطانه رحوم
لأجل راحتنا سهر والكل نام
أدعي الله ينصر آل سعود دوم
في وطننا ومع ملكنا والإمام
