راية التوحيد عاش اللي حملها
رمز الأمة عزها والمجد عالي
مملكتنا حقق الله كل أملها
بالسعود الماجدين أول وتالي
من كتاب الله وحي دستور أهلها
صادق الآيات من رب الجلالي
في حمى مكة وبيت الله مثلها
وطيب طيبه في رسول الله غالي
والرياض بفلها واجمل احللها
حقها أكبر من قصيد ومن مقالي
يوم أبو تركي بمصقول صقلها
وابتدى التاريخ له مجد ومجالي
من جمع شمل الشتات ومن شملها
واحتواها واحتماها ماتنالي
سادها بالحق والميله عدلها
بالكتاب وبالسلاح وبالرجالي
بالبحر وجبالها والاسهلها
للمعالي من معانيها معالي
أدركه سيرة شجاعٍ ماختلها
سيرة الأيام وأسرار الليالي
يافهدنا ياذرا العرب وجملها
ياسليل المجد نطاح الثقالي
لك شرف عشرين عام ومحتفلها
بيعة للمقبلات ابكل حالي
أنت من صفا العدود ومن نهلها
في مقام لاغرور ولاتعالي
ياملكنا يانقا الدولة وأملها
دمت عز للجميع وطيب فالي
عاش أبو متعب وهقوات نقلها
الجزال اللي معانيها جزالي
غيث شعب المملكة حزة زملها
من خطوب الوقت كان اجدب ومالي
لفتته من طيبها يخضر محلها
مثل صدق الوبل من نو الخيالي
والكبود اللي نقا فعله غسلها
راهي المدة شجاع مايبالي
احتمى معنى الأمانة واحتملها
عهد أخوه وحق شعبه بالكمالي
وعاش رجل هقوته ما احدٍ جهلها
لاركب حبل الرشا فوق المحالي
والصعاب النائب الثاني وهلها
طيب سلطان المكارم مايزالي
المعوق واليتامى من كفلها
في رجا الله غير سلطان المعالي
في سموه يالسان الشعر قلها
كلمة من صدق تفكيري وبالي
هكذا حكامنا واخلاصنا لها
صادق ماهو بزيف ولاتسالي
والوطن كيد الأعادي مايصلها
دونها والله عليه الاتكالي
نرخص الأرواح مانرضي زعلها
بالشجاعة والجداد من السمالي
العهود البيض مانقبل بدلها
والوفا شيمة لعالين المثالي
