سلام الله يا طهر بقعةٍ وأغلى بلاد الله
سلام الله يا محروسة الله وأطهر بلاده
وسلام الله يا دارٍ رعاه الله بعز وجاه
سلام الله يا دار النبي وسلاله أحفاده
وسلام الله يا دارً عطاها مستحيل انساه
سلام الله يا اللي من سكنها تحفظ أولاده
وسلام الله يا دار الوفاء والعز وأهل الجاه
سلامٍ ينثني لا طهر بلاده وأعظم أسياده
سلاطين البلاد وحكمهم لأهل البلد ترعاه
ولاةٍ حكمها تتبع كتابه وأفضل عباده
تجلت في مليكٍ ما ذخر عمره سوى لبناه
لدارٍ عزها الله باشرف الأحكام والقاده
نسل عبدالعزيز اللي القبايل تستجير حماه
يلوذ به الضعيف ونصرة الإسلام له عاده
حكم واللي صعيب تفعله كل البشر سواه
حكم كل البلاد بحكمته والسيف وزناده
وأنا بمناسبة عشرين عامٍ خافقي هناه
على ذكرى سنينٍ خيرها ما نحصي اعداده
بنا مجد البلاد وللوفاء والعز ساق خطاه
مليكٍ يا الله انك تحفظه وتجدد أعياده
خدم بيت الله وكثر جهوده خدمةٍ لرضاه
يعين المسلمين اللي لبيت الله قصاده
وملكنا يا عسى حكمه يدوم وكلنا نفداه
بعهده حقق أحلام المواطن والرخا زاده
عدل والله يحب العدل يا ربي تديم بناه
وتحفظ مملكتنا من شرور الوقت وعناده
وعهدنا طاعة الله ثم ملكنا والوطن تحماه
رجالٍ مخلصين في ولاهم لأعظم قياده
وفهدنا.. يا ملكنا.. يا فخرنا.. يا سلام الله
عليك ويا سلام الله على الإسلام وأسياده
