يالَّله ياللي نطلبه في الزياده
تزيد في عمر الولاة المهمِّين
المملكة لبست ثياب السعادة
بمناسبة حكم الفهد قبل عقدين
القايد اللي بارعٍ في القيادة
فهد تقلد حكمها قبل عشرين
واصل مسيرة وارثين السيادة
آل السعود مطوعين العنيدين
فهد وهب نفسه لخدمة بلاده
ورفع علمها في جميع الميادين
ورفع علم الاسلام لاهل العبادة
وكرَّم رجال العلم في خدمة الدين
ومكه وطيبه لابو فيصل شهادة
خادم بيوت الله عسى ايامه سنين
التوسعة قامت بقوة الارادة
واستوعبت زوارها والمقيمين
ويشهد حجيج البيت باحسن وفاده
اللي لطاعة ربهم جو ملبين
وطباعة المصحف جعلها رفادة
وعمم كتاب الله من الغرب للصين
وحكم الشريعة لاقى اجتهاده
وقال احكموا ياقضاة وحنا معينين
وعلى المعادي قوته في زياده
وبحكمته هابته حتى الشياطين
حِكْمه وفِطْنه والسياسه مفاده
ويدير بافكاره جميع السلاطين
ويافهدنا ياللي لك الجود عاده
حنا بخدمتكم جنود مطيعين
المجتمع ملتف حول القياده
ومتلاحمين وما نطيع الحسودين
واللي يبلبل ضدنا حن عناده
المرجف اللي يخلط الشين بالزين
اللي نقض دينه وعاند بلاده
هذاك يخسر يوم نصب الموازين
وما فيه مثل المملكة في الرياده
امن وامان وقبلة للمصلين
وصلِّوا على خير البشر في سداده
محمد عليه افضل صلاة المصلين
