مشكور ياليث.. وفا بالتزامه
قلوب شعبه حب فهد ملاها
عشرين عام من العطاء.. والزعامه
وارض الجزيرة من عطاه احتواها
عشرين عام.. بكل صدر وسامه
قلايد.. شع الغلا من غلاها
وخير حبّه.. هلّ مثل الغمامه
ماعاد تشكي المشاعر .. ظماها
والعدل دايم في يمينه زمامه
يتبع شرايع ربي اللي براها
خدمة بيوت الله جلّ اهتمامه
مساجد.. في كل ديرة بناها
راحة حجيج البيت غاية مرامه
بكل جهد.. بكل غالي شراها
ياخادم البيتين.. فيك الشهامة
ومروتك.. ياكثر خلق نصاها
وبعون ربي مانشوف الندامه
أفضال رب الكون عشنا بذراها
جهّزت جيش.. عالي في نظامه
بارواح صرتي يا الشهادة.. مناها
ومايردع العدوان غير الصرامه
فيكم وباسك كل قوة وطاها
شفنا الأمان وطيب فال وسلامه
وعشنا مسرات بعيد مداها
المملكة.. ياسامي في مقامه
مشرق شعاع أفراحنا في سماها
المملكة أرض الهدى والكرامه
والحمدلله منا.. يملا فضاها
شفنا على ثغر الزمان ابتسامه
عشرين عام.. ماتكدّر بهاها
مجد لنا.. تاج على كل هامه
شعب الجزيرة بالمعالي تباها
يامن خلق شمس تبدد ظلامه
احم المليك اللي بلادي حماها
