مبداي بسم اللي دعوه الملبين
ترفع له الأيدي نهار الزحامي
هو ربنا المعبود لأمره مطيعين
موحدين الله شريف الأسامي
وأنا أحمد الله كلنا مستسرين
بمناسبة مرور عشرين عامي
بقيادة اللي حصّن الدار تحصين
هذاك أبوفيصل رفيع المقامي
اللي حكم بالحق والشرع والدين
واصبح وطنا بخير وأمن وسلامي
حر تسلسل من حرار مسمّين
لمسة مخاليبه تقص العظامي
فهد ربيع الدار سقم المعادين
واللي دخل في ديرته مايضامي
مطور بلاده بشتى الميادين
لعل بنيه مايجيه الهدامي
ابن الذي فعله رجح بالموازين
راع الوفا والطيب والاحترامي
عبدالعزيز اللي به الناس دارين
عن مدح راع الجود يعجز كلامي
لعل منزاله جنان وبساتين
وقبره منوّر مايجيه الظلامي
والله يطول عمر أبوفيصل سنين
يبقى دخر لبلاد ناس كرامي
اليوم نرفع له تحية مهنين
عسى يدوم الخير والفضل دامي
يادارنا حنا ترى مستعدين
ليا دعيتينا نجي لك شمامي
لبلادنا موفين بالعسر واللين
حنا لها وان كان ثار العسامي
بامر الملك في كل الأحوال ماشين
ممشى الرجال الطيبين الحشامي
حنا عرب ولنا سلوم وقوانين
ونعاتب اللي يخلفون النظامي
اقولها وابين العلم تبيين
واطلب عظيم الشان قبل الختامي
الله يكافينا شرور الشياطين
ويغفر لنا زلاتنا والأثامي
وصلاة رب غافر للمصليين
على النبي عداد وبل الغمامي
