قصيدتي ياذخر الاسلام مهداه
وعن صادق احساسي جعلته وسيله
تفخر بحكم حطم الجهل والغاه
وتشيد بافعال الملوك الجليلة
قالت فهد محد يسوي سواياه
عشرين عام ومنجزاته جزيلة
دستوره القرآن ساسه ومبداه
ياخذ من احكامه ويتبع دليله
الله على حسن التصاريف قدَّاه
وحكم الشريعة ما يدور بديله
فهد زعيم يشكرونه رعاياه
الله يمهله سنين طويله
في حكمه الزاهر على ما نتمناه
حكم به الصعبات صارت ذليله
اللي بيوت الله عمرها وسوَّاه
وكفه على البيتين ما هي بخيله
وللعلم والصحة حثيثات اخطاه
وتطورت باحسن سبيل وسيله
والطرق وصلت قاصي الدار وادناه
وامن وأمان ما شهدنا مثيله
فهد تصدى للصعاب وتحداه
امعلق بالله رجاه وحصيله
ايواسي المنكوب ويحس بلواه
ويمد له بيض اليدين ويشيله
ياقف مع اللي صادقات نواياه
ويقمع يدين مولعين الفتيله
فهد زعيم ما تعدد مزاياه
يعمل بصمت وكل صعب يزيله
وولي عهد طيب الساس والجاه
عبد الله اللي بالمواقف وكيله
عبد الله اللي تفعل الطيب يمناه
شهم يشيل من الحمول الثقيله
وسلطان بصمات الكرم في محياه
اللي مع الاحسان راعي طويله
والاسرة اللي بالوفاء طاب ممشاه
خيره توصل كل فرد وقبيله
الله يوفقهم على هداه ورضاه
ال السعود اهل الوفاء والجميله
هذا قليل من كثير ذكرناه
وذكر المحاسن من ضروب الفضيله
