عشرين عام عز وانجاز وأمجاد
في ظل أبو فيصل عسى الله يديمه
عشرين عام وكان للدار ميعاد
مع «الفهد» راعي الفعول الكريمه
عشرين عام وكان للخير ميلاد
والتنمية والمنجزات العظيمه
ذكرى عزيزه جعلها دوم تنعاد
لها مكانه في المشاعر وقيمه
هذا فهدنا غيث مافيه رعّاد
في كل ديره حلّ مرباع غيمه
كم مد كفّه بالعطايا وكم جاد
لا شافه المضيوم ينزاح ضيمه
زاد التطور والمشاريع تزداد
بإيمان واحسان وسياسه حكيمه
دستورنا القرآن في «عصر الالحاد»
والحكم شورى والعقيده سليمه
هذي حقايق واضحه بين الأشهاد
في «طيبه» و«البيت الحرام وحطيمه»
عشرين عامٍ كلها خير وإسعاد
والشعب كله يفتخر في زعيمه
زعيم الأمة شيخنا سيْد الأسياد
الأيام عن ميلاد مثله عقيمه
بنى لنا مجدٍ على ساس وعماد
حاضر يشرفنا وعزّه قديمه
مليكنا يستاهله شعب... وبلاد
حب الوطن وأهل الوطن في صميمه
ويستاهل انه يسكن اعيون.. وفؤاد
محبته بقلوب شعبه مقيمه
واليوم والذكرى احتفالات وأعياد
سلام للقايد قويّ العزيمه
وحنا على الميثاق من عهد الأجداد
على الولا ذمّه ولزمه وشيمه
