عشرين عام كنها بالرخا عام
مرت علينا خير بأرض الجزيره
أمن وأمان وعدل في كل الايام
في عهد ابو فيصل زعيم المسيره
القائد اللي حاكم حكم الاسلام
على الشريعه قاد شعب وعشيره
رأيه سديد وكنه الحظ الى قام
في كل محفل حسن رايه يديره
رجل السياسه والمواقف والاعلام
العلم والتعليم تنهل بخيره
فهد ولا غيره فهد طول الاعوام
ما خلقت الحكمه بيوم لغيره
عز المواطن وارفعه بين الانام
في مصلحة شعبه عيونه سهيره
أنشأ المصانع قبلها دور الايتام
يجبر عظام اللي عظامه كسيره
ذاك المحال اللي نشوفه بالاحلام
اصبح حقايق في عيون كثيره
هذا الزمن علق على عهده وسام
يفخر بحكمه كل شعب الجزيره
