التهاني والتحية مع الباب الوسيع
تدخل الديوان في كل يوم وكل عام
من هجوس الشاعر اللي له المعنى يطيع
فالملوك أبناء الإمامي رفيعين المقام
ياليالي القيظ والصيف وأيام الربيع
غردي للحاكم اللي حكم عشرين عام
العبي وادعي حمام الحرم مع كل ريع
للمليك اللي دعم السلم مع باب السلام
يافهدنا دامك الله يالراس الرفيع
دامك الله للعروبة وللبيت الحرام
أنت في وسط الجزيرة كما البدر الطليع
وأنت في العالم كما النور جلاي الظلام
وانت ياروس الرياجيل يالسد المنيع
السياسة فيك يافهد من يوم الفطام
إلك بالتاريخ وقفات يعرفها الجميع
يوم كبرت قالت القوم شديت الحزام
وإلك وقفاتٍ عظيمات بالسيف الوريع
كل ما زعلت بالحق سليت الحسام
يالسياسي بالمهمات يالرجل الشجيع
أنت ريف الشعب وأنت الكريم بن الكرام
أنت أبو فيصل عن الحق والله ما تضيع
وانت أبو عبدالعزيز المسمى بالإمام
في ذراك يلوذ من خافه البرد الصقيع
وفي حماك الشعب ينام والوافد ينام
إلك يمنى لكل محتاج تعطي ما تبيع
والإغاثة مستمرة وشعبك ما يضام
التهاني والتحيات في جوٍ بديع
وغردي بالفل والورد ياطير الحمام
