مبروك يا حامي احدود الجزيرة
عز الوطن عز العروبه والاسلام
عشرين عام من يعده كثيرة
شعبك يعده يا فهد كنها أيام
يا خادم البيتين من زود خيره
شعب السعودي ما حسبها بالأعوام
عن العطش وردتهُم جمْ بيره
حقايقٍ ما هي دعايات وإعلام
واصلت فعل الخير في كل ديره
كالغيث جودك ما يحسب بالأرقام
نعم الخلف واصلت درب المسيره
لبوك مع جدك وخالك والأعمام
كبر النوايب عند فكرك صغيره
لاوصلتك حليّتها عرف والهام
حكّمت شرع الله مافيه غيره
ماهي قوانين البشر وضع بأقلام
أهل الخطا لهم السيوف الشطيره
في حدها تطبيق شرعه والأحكام
يمخصِّص للبيت مال أو وزيره
يجزاك رب البيت جنات وأنعام
جهدك أو مالك تبذله لتعميره
يدعيلك الليِّ بدل الثوب بحرام
ما تتبع المعروف منٍ وغيره
تبي الجزا من ربنا خير علام
وعينت في كل المناطق أميره
إمتابعين الخير للشر لِطام
حكامنا من شعبنا والعشيره
متوارثين الملك للبيت خدام
والعلم شامل والمدارس وفيره
والدين له قدر على الكل وإلزام
واللي جحد معروفكم ما نعيره
أي اهتمام أو ننظر الدرب قدام
واللي نوانا ابشر ما طار طيره
وطير السعد بالمملكه دوم حوّام
وقت الشدايد والأمور الخطيره
المملكة أنتم لها درع وإحزام
وابختصر عن طولها بالقصيره
الله يديمك يا ذرى كل منضام
واقبل تهاني من نصاك اتعبيره
يمحققٍ للشعب زينات الأحلام
