بديت بذكر رب الملاء الواحد العلام
إله مجيب لكل داعي مطاليبه
إله نقوم ونطلبه والعباد نيام
ايجنب وطنا كل مكروه ومصيبه
إله لوجه كل مخلوق صلى وصام
ويقول الله إن الصوم ليه ونا أجزيبه
ونبي نحتفل بالعز في كل عام وعام
وبعشرين عام بعهد مكمل مواجيبه
ملكنا فهد واخوانه الطيبين اكرام
حكيم وحليم وحقق الله مواريبه
يعيش الفهد للعز والعدل والاسلام
كبير البخت والجاه والفعل والهيبه
حبيب المواطن والوطن حاكم الحكام
أبوفيصل اللي طيبات مجاذيبه
بعهده تقدم وازدهار ورغد وأنعام
وأمان بفضل الله نصبح ونمسيبه
في أرض الحرمين الشريفين عزه قام
عسى الله يديم العز ويعز أصاحيبه
مملكة الفهد ذخر الفهد قبلة الأنام
وهدى النبي في كل الأحوال تهديبه
لمكة وطيبة كلنا مع فهد خدام
نسد اللزوم ودينا ما نراعيبه
ولي العهد عبدالله النادر الضرغام
أبومتعب اللي ندرك الطيب من طيبه
جلي المكارم سيدي كافل الأيتام
بماله أيلا شح الزمان وعواذيبه
ويزود بنهار الضيق لا زادو الأخصام
عليه من ابوه ومن صفاته وأساليبه
أسد المواقف بطل عملاق ما ينضام
وعطيبات بصفوف الأعادي مضاريبه
وأيلا قام بمهمه حسمها على ما يرام
على واقع المعقول ما هي بتركيبه
ومهمات سلطان أبوخالد جسام جسام
عضيد الثنين وجعل الأيام تبطي به
سلطان الوفاء والخير والعز والأيام
وسلطان الزمان وكل الأقطار تدري به
غيور وجسور ويرغم المعتدين ارغام
لاحمى الوطيس وجات ريبه ورى ريبه
عيال الزعيم الوافي محطم الأرقام
أبوتركي اللي لا بغى شيء يرهي به
تصدى بوقته للفتن وانتشلها اشمام
نشوفه أيلا شفنا وطنا وترتيبه
لعله يفوز بصحبة محطّم الأصنام
ويمناه يوم البعث يأخذ مكاتيبه
ومن ينكر المعروف نذل وردي وخمام
ومن شذ عنا فاله الذل والخيبه
ومن قوّم الفتنه على الآمنين إيلام
عليه الله أكبر لين تقّطع تلابيبه
