من للحضارة.. غير باني حضارات
من للوطن يرعى سلوم وقوانين
هذا الفهد.. للمجد يرسم مسارات
متوجّهٍ في منهج ساسه الدين
ياللي شعارك فوق كل الشعارات
الراية الخضرا دليل الملايين
وصّلتنا لسهيل فوق المجرّات
ومن لحظة البيعه وحنا ملبّين
واليوم في خط المدى والمدارات
اليوم للتاريخ تمت عشرين
في عهدك الزاهر تهل انتصارات
حيث الطليعة غايتك في الميادين
فوق أرضنا كن السحايب عمارات
عزٍ جمع شمل الحضر والبداوين
كل القصايد زيّنت والعبارات
لك وجّهت رغم العدا والحسودين
يا مزينٍ دارك مداين وامارات
تهدي لك انسام الصحاري بساتين
لك في جبين الشمس بالصيت شارات
لاحت للأدنى واسفرت للبعيدين
ونجومها لنجوم هالأرض جارات
من يوم بيعتك المجيدة ليا الحين
بالسلم حارسها وصديت غارات
بالراي وحدت العرب والمسلمين
علّيت شعبك بالسما في مسرات
يا غاليٍ يسهر على شان غالين
زيزومها اللي ما تحدّك قرارات
يا مروّض الصعبات في العسر واللين
شيخٍ مقامك فوق كل اعتبارات
في خدمة البيتين والناس دارين
مستشفيات وجامعات ومطارات
لمواطنين أرضك ولجل المقيمين
قلبك كبير ومنزلك بالصدارات
والعلم يذكرك بدايات وسنين
حن نقتدي بك بالهمم والجدارات
حن نفتديك بكل غالي وشارين
الملك من صيتك غدا له منارات
تطلب لك الخيره قلوب المصلين
لك موقفٍ تحكي صداه السفارات
«لا ما أتنازل عن قضية فلسطين»
