كنا قبل ايام نجلس وقهوتنا..القصيد
وكان يقول اني بنيت اغلب الحلم وقضيت
وكان يبشرني يقول ابتدأ حلم جديد
وانتهى وقت العناء والشقاء منه انتهيت
وصرت جاهز للقصايد وفي نفسي مزيد
شاعر وأحب كل القصايد..لاهتويت
وقال خذها كفي وعطني كفك والنشيد
والقصايد خلني اهتويها بيت..بيت
قلت لك يا بو عطيه..وما تطلب..نجيد
ثم ولعنا شموع القصايد..وابتديت
وكان يحدوه الامل كل ما قلنا..نريد
قال باليوم «الفلاني» نجدد ما بغيت
مادري وش له يجيب القدر حول الوريد
وان له يوم مقدر..وبعد ايام ميت
وكلها يومين جاني خبر انه..شهيد
ثم ضيعت الكلام..وتلعثمت..وبكيت
كنا قبل ايام نضحك وقهوتنا القصيد
كيف راح وراحت احلامنا اللي قد بنيت
ليت يوم ان القدر حط عينه بالرصيد
امهله لينه يحقق مواعيده..ياليت
