مشوار عمري لو كشفتي خوافيه
يمديك عن جرح المشاعر قنعتي
يمكن من بيوت القصايد عرفتيه!
ويمكن بعد لجروح الأعماق جعتي!
حالي قضى والدرب طالت مساريه
وأنتي شريتي بالمحبة وبعتي
بس أذكريني وأرثي الحال وأبكيه
كانك على درب المفارق هزعتي
مرك كلام الغير في وسمعتيه
وجيتي تحت أمر العذول وخضعتي
ايه افترقنا وانطفى الشوق ياهيه
غلطة زمن فيها وقعتي وضعتي
ما ذكر عطيتي شي حتى أذكرك فيه
غير الجروح اللي بقلبي زرعتي
شي يسوقه حكم الأقدار راضيه
وش عاد لو بجروح قلبي طمعتي؟
شيلي غرامك عن عيوني ووديه
يومه ضحك لك عاذلي وأنخدعتي
بس اسمعيني خلي القلب.. خليه
ماحد غصبك تجرحينه.. سمعتي؟!
